O FIO DAS LEMBRANÇAS (1), por Teresa Martins Marques. Traduzido para Mirandês por António Cangueiro

La porsora i ambestigadora Teresa Martins Marques, biografa de Amadeu Ferreira bai mos amostrando cachicos de la Biografie que está a fazer i a finalizar de Amadeu Ferreira. Leonel Brito, cineasta i outro amigo de Amadeu Ferreira, fizo me l zafiu de traduzir estes testos que bai ponendo ne l facebook. Buono, nun sei se serei capaç desse trabalho, mas bou fazendo l que fur possible.

L FILO DE LAS LHEMBRANÇAS (1)

«Binte Scudos»

Deixo bos eiqui ua pequeinha parte de la biografie de Amadeu Ferreira, que you bou publicar mui debrebe. Este nino que fui l melhor aluno de l sou curso, bice-persidente de la CMVM, outor de l Código de Valores Mobiliários, pensaba assim als 11 anhos.

Teresa Martins Marques

"Ne l seminairo todo l mundo era probe, mas habie alguns inda mais probes que outros. «Nós nun teníamos denheiro cun nós, mas habie ninos que teníen denheiro cun eilhes i ls curas deixaban tener algun denheiro. A las bezes, ls curas bendían alguas cousas, cumo çafas i lhápeç. Ls lhibros éran eilhes que los ancomendaban i éran metidos na cuonta que apuis era mandada na fin de l trimestre para nuossos pais pagaren. Essas cuontas trimestrales ancluían tamien la labaige de roupa, l quemido i l morar alhá. A modos que nós nun percisábamos de denheiro. Mas habie rapazes que tenían algun denheiro i mercaban algues cousas. I aqueilho ampressionaba me muito. Cumo ye que era possible ninos tan pequeinhos gastarem denheiro, se ls pais nun tenían denheiro? Porque you nunca tenie denheiro, zde nino. Nun tengo mimória de quando antrei para l seminairo, i antes disso, de tener tido un teçton ne l bolso, a nun ser ua beç. Un primo miu deu me binte i cinco teçtones. Beio de la Índia i you nunca me tenie bisto cun cinco crouas na mano i tenie buontade de mercar fruita. Fui me al soto de l Tiu Rechas i merquei cinco crouas de ameixas.
El deu me tantas ameixas que you yá nun sabie l que fazer a las ameixas. An Sendin sempre fui scassa la fruita, nunca antendi l porquei. Dende que la apetença pur fruita fusse grande, subretodo antre ls ninos. Fui essa la única beç que tube denheiro.» La stória a seguir ye mui aparecida a la que José Rodrigues Miguéis mos cuonta n’O Milagre sigundo Salomé referindo se a la moneda que la mai de Severino Zambujeira le deu antes de l mandar trabalhar para Lisboua, ne l final de l século XIX. L feturo banqueiro acabou a eimoldurar la moneda para nunca se squecer de l tiempo an que fui probe. «Quando fui para l seminairo, ua de las cousas que mie mai me dou, para l causo de ser perciso, fúran binte scudos. You achaba aqueilho muito denheiro i nun sabie l que habie de fazer als binte scudos. Andaba cun eilhes sempre naqueilhe bolsico, para nun ls perder i até tenie ua sigurança cun que fechaba l bolsico, para ls nun perder. Até ua beç un de ls curas gozou cumigo, chamando me xastre, porque you ousaba essa sigurança.» Esse cura, de quien Amadeu haberie de se tornar mais tarde amigo, era l Cura Belarmino Afonso. Fui diretor de l Arquibo Destrital e de la rebista Brigantia, pur el fundada. «You achaba que l melhor que podie fazer cun ls binte scudos era comportar me de tal modo que, quando benísse pa l Natal, me achegasse a mie mai i le dezisse, “Estan eiqui ls binte scudos. Nun ls gastei”! I assi acunteciu. Lhembra se me de chegar al Natal i de le tener dezido: “Estan eiqui ls binte scudos. Cunsegui nun ls gastar.” Al alrobeç de mius colegas, para miu grande orgulho, la grande cuntençon, la grande deciplina, era chegar alhá saber que ls mius pais nun tenían denheiro, que aqueilhes binte scudos senificában muito para eilhes i poder dezir assi: “Estan eiqui!. Tome los outra beç que you nun ls percisei.”»

...//...

O FIO DAS LEMBRANÇAS (1)

«Vinte Escudos»

Deixo aqui um curto excerto da biografia de Amadeu Ferreira, que vou publicar em breve. Este menino que foi o melhor aluno do seu curso, vice- presidente da CMVM, autor do Código de Valores Mobiliários, pensava assim aos 11 anos:

"No seminário eram todos pobres, mas havia alguns ainda mais pobres que os outros. «Nós não tínhamos dinheiro connosco, mas havia miúdos que tinham dinheiro com eles e os padres deixavam ter algum dinheiro. De vez em quando, os padres vendiam algumas coisas tais como borrachas, lápis. Os livros eram encomendados por eles e eram metidos na conta que depois era mandada no fim do trimestre para os pais pagarem. Essas contas trimestrais incluíam também a lavagem da roupa, a alimentação e a estadia. Portanto, nós não precisávamos de dinheiro. Mas havia miúdos que tinham algum dinheiro e compravam algumas coisas. E aquilo impressionava-me muito. Como é que era possível miúdos tão pequenos gastarem dinheiro, se os pais não tinham dinheiro? Porque eu nunca tinha dinheiro, desde miúdo. Não me lembro, quando entrei para o seminário, e antes disso, de ter tido um tostão no bolso, a não ser uma vez. Um primo meu deu-me vinte e cinco tostões. Veio da Índia e eu nunca me tinha visto com cinco coroas na mão e tinha vontade de comprar fruta. Fui ao soto (loja de comércio, em mirandês) do Tio Rechas e comprei cinco coroas de ameixas. Ele deu-me tantas ameixas que eu já não sabia o que fazer às ameixas. Em Sendim sempre houve grande escassez de fruta, nunca percebi porquê. Daí que a apetência por fruta fosse grande, sobretudo entre os miúdos. Foi a única vez que tive dinheiro. » 

A história que se segue é muito semelhante à que José Rodrigues Miguéis conta n’O Milagre segundo Salomé referindo-se à moeda que a mãe de Severino Zambujeira lhe deu antes de o mandar trabalhar para Lisboa, no final do século XIX. O futuro banqueiro acabou a emoldurar a moeda para nunca se esquecer do tempo em que foi pobre.

«Quando fui para o seminário, uma das coisas que a minha mãe me deu, para o caso de ser necessário, foram vinte escudos. Eu achava aquilo muito dinheiro e não sabia o que havia de fazer aos vinte escudos. Andava com eles sempre naquele bolsinho do casaco, com medo de os perder e até tinha um alfinete de segurança com que tapava o bolsinho, para não os perder. Até uma vez um dos padres gozou comigo, chamando-me alfaiate, porque eu usava esse alfinete.» Esse padre, de quem Amadeu haveria de tornar-se mais tarde amigo, era o Padre Belarmino Afonso. Foi director do Arquivo Distrital e da revista Brigantia, por ele fundada. «Eu achava que o melhor que podia fazer com os vinte escudos era comportar-me de tal maneira que, quando regressasse no Natal, chegasse à minha mãe e dissesse, “Estão aqui os vinte escudos. Não os gastei”! E assim foi. Lembro-me de chegar ao Natal e de lhe ter dito: “Estão aqui os vinte escudos. Consegui não os gastar.” Ao contrário dos colegas, para meu grande orgulho, a grande contenção, a grande disciplina, era chegar lá, saber que os meus pais não tinham dinheiro, que aqueles vinte escudos significavam muito para eles e poder dizer assim: “Estão aqui! Tome-os outra vez que eu não os precisei.”»